Ora pai ngā āhuatanga pūtea

Ngā kai mahi

Ko ngā kōrero e puta mai ana i ngā Pakihi, kāore hoki e taea e rātou te whakakī i ngā tūnga mahi, me te mea anō, 400 ngā tūnga me wawe hoki te whakarite kai mahi ki ēnei tūnga. Ko te whakapae hoki ka kaita ake tēnei nama. Me whakaarohia ngā huarahi tō mai i te tangata ki kōnei mahi ai, me whakarite hoki i ngā kaupapa whakangungu, ngā kaupapa mātauranga i roto i te rohe e ngawari ai te uru atu o te tangata whai pukenga ki ēnei mahi.

Marakerake te kite, me kaha ake te whakapau kaha e matomato ai te tipu o ngā hua i te rohe nei. Ko ētahi o ngā huarahi e tutuki pai ēnei hiahia, kia riro ma ngā mihini e mahi, kia kaita kē atu ngā mihini, a, mā ngā āhuatanga o te rorohiko hoki.

 

Te Tipu

Ko tētahi o ngā kaupapa here i te tipu, ko te wai. Mā te āta titiro ki ngā tikanga tōtika ki te whakamahi i te wai i roto i ngā kainga, i ngā umanga hoki, ka anga tātou ki te whakautu i tēnei wero, āpa noa, he huri ki ngā whakahau a te Taiao hei whakatipu i ngā hua, me tiro hoki ki te puna i te wai kei runga i te whenua.

Ko ētahi o ngā aronga i tohua, he rarau atu ki ētahi atu kaupapa mahi moni, he whakatipu i te wāriu o ngā mahi tope ngahere, i ngā hua nui kē atu te wāriu pēnei i te Kiwi-whurutu me ngā āporo, me te mahi ahu-whenua i roto o Ngāti Porou.

 

Ngā whakahaere para

Ki te tipu ngā hua me te pūtea, ka nui kē atu hoki ngā para, he huarahi hoki kua puta e pai ake te whakahaere i ngā āhuatanga o te para o tēnei rohe. Te nuinga o ngā para o tēnei rohe ka taria ma runga taraka ki Paeroa, ā, e tata haere ana ki te paunga o te wā ki te rua-para i Waiapu, no reira me tirohia te whakamahinga me ngā whakahaere o ngā para. Kua waia hoki tātou ki te hangarua, heoi, na te kore hiahia o Haina ki o tātou para, me rapu anō he huarahi. Kua kore hoki a tātou rua-para e eke ki te taumata e taea e tātou te panga i ngā para mōrearea, ā, he nui hoki te utu. Tēra anō te hē huarahi ko te para ropi, pēnei i ngā toenga kai ēra momo para, me te kimi i te whakautu mo te taha pāmu, ngahere, ēra momo rōpu.   

 

He whakaiti i te para, he whakamahi tika i ngā rawa taiao

Ki te tahuri tātou ki te whakaiti i te nui o te para, me te whakamahi tika i ngā rawa o te taiao, ngā pakari ake ka pai ake hoki te oranga i te Tairāwhiti.

Kei te tahuri hoki tātou i te tēra kaupapa o te tango, te whakamahi, me whiu, mā te pēnei ka nui kē atu te wāriu o a tātou rawa, mā te whakatō hoki i ngā kaupapa para ki te hiko (tāruatia) me te para ki te rawa. He tauira, ko ngā kura wai kī ana i te wai o te peihana, o te mihini horoi kākahu ēra momo wai, me te whakamahi hoki i te wai-a-para hei whakatipu hua.

Ko te whakamahi anō, me te whakarere i te wai-a-para tētahi huarahi kaita kei mua i te aroaro, ko te whainga he tahuri i ngā whakaaro a te tangata, kei whea hoki te hunga hoko i ēnei hua, ko ēhea whenua hoki ngā mea pai mo tēnei kaupapa.

 

Ngā Patai Matua

  • Pehea tā tātou tō mai i te tangata ki te rohe?

    • Ka noho hoki rātou ki whea?

    • He aha ngā hanganga e hiahiatia ana ki te tautoko i tēnei tipu?

  • He aha ngā hanganga e hiahiatia ana hei tautoko i ngā whakaritenga mo te oranga o ngā umanga matua o te rohe?

  • He aha ngā huarahi whakaiti ake i te nui o te para?

  • Pehea hoki tātou e tahuri ki te whakaiti i te para me te whakamahi tika i ngā rawa taiao?

Tukuna mai ou korero
If your message is larger than 250 words click here
  • Loading

Attach files by dropping them in here. You can also browse your computer

Your browser does not support HTML5 uploads. Please update to a newer version.