I rō Taone

Ko te utu o ngā where i Tūranga tētahi o ngā wero nui ki te hapori, i te mea he ruarua noaiho ngā whare hei hoko, hei reti rānei. Na runga i tēnei he uaua te utu i ngā nama. 

He huarahi hoki tōna e taea e tātou te whakaora i te wāhi pakihi matua, e wātea ai te whakarite wāhi wātea, whare noho mo te tangata, e taea hoki e tātou te whakarere i te aronga ki ngā motokā ki ngā tūranga motokā hoki. Ma te pēnei ka huri te Taone ki tētahi wāhi whakaaronui ki te tangata me tāna ahurea.  

Ma te whānui o te whakaaro ki te whakamahi i te wāhi kotahi, ka taea te whakamahi i ngā wāhi watea huri noa i te taone pēnei i te aka e tata ana ki te taone, nga pāka, wāhi takaro hoki kia kore e moumou noa te whakamahinga. 

Kei te Takiwa

Ma te whakarite kia roa te oranga o ngā whare, kia kore e pokea e ngā taumahatanga o ngā utu, te whainga nui mo ngā kainga kei te takiwā. Kia pai, kia ngāwari te utu, kia kore hoki e pau te wai-inu, kia pai, kia ngawari te utu hoki o ngā whakahaere te taha ki ngā para, me te pai o ngā huarahi honohono haere i ngā takiwā ki te Taone, ma reira e eke ai ēnei whainga

He pehea te tipu o te rohe

Kua tohua a Tūranga ki te karangatanga o te taone kei waenganui tonu e haere ana tona tipu. E whakapaetia ana he 4000 tangata ano ka noho mai ki kōnei i roto i ngā tau 25 kei mua i a tātou. E mahi tahi ana mātou ko te Kawanatanga i ētahi kaupapa e rawaka ai te nama o ngā whare noho, ngā hanganga me ngā whakaritenga e hua pai ai te tangata ahakoa e hia āna moni, pehea te kaitā o tōna whanau, e hiahia ana a ia te noho ki hea. Me tautoko hoki tātou i ngā tāngata whakatū whare, mā te whakatau tika e anga pehea ana, ā, mā roto hoki i ngā ture, me te āki i roto i te Ture Rawa Taiao o Te Tairāwhiti. 

He nui ngā āhuatanga e here nei i te toro whakawaho o te taone: me tiakina ngā whenua e whai hua ana i wā rātou tipu, he maharahara koi horo ngā pari o ngā puke huri noa i te taone, a he nui hoki te tūpono ka raru ngā taone noho i ngā taha moana i te rewanga o ngā tai. Me āta whakaaro te whakamahinga o te whenua kei te toe, me ngā wāhi kaore i te whakamahia, me te wāhi pakihi matua o te taone.

Ngā Patai Matua

• Ki whea whakatū ai ngā wāhi noho hou, me ngā wāhi mo ngā umanga?

• Me pehea te whakamahi pai ake i ngā wāhi e whakamahitia ana e tātou?

• He hiahia pea mo te wāhi pakihi matua kia;

• Puni ake tōna noho?

• Maha ake i te kotahi tāna whakamahinga?

• Kia ruarua ake ngā motokā i te wāhi pakihi matua?

• He aha hoki ngā huarahi e taea e tātou te tautoko i ngā kaupapa whakatū whare i te takiwā?