Ngā Rori

Ko te whakatikatika i ngā rori kia pai ai, kia haumaru ai tētahi o ngā kaupapa nui, he wero kaitā hoki ki tēnei rohe. He maharahara nui ki te tū-a-papa o ngā rori, mēna ka heipu mai he rū-whenua, waipuke ēra momo tūāhua. Ko ngā waka taumaha – te nuinga e mahi ana i ngā ngahere. He nui te pānga o ēnei waka ki te āhua o ngā rori, me te utu hoki ki ngā rori. Ko te whainga matua ko ngā whakaritenga kia haumaru ai ngā rori, kia pai hoki ngā kai taraiwa i runga i ngā rori, he whāiti hoki ngā ara haere, ruarua hoki ngā wāhi e ahei ana te hipa atu i te tangata.

E rua ngā whakaritenga a te Kaunihera mo ngā pahi, ko ngā pahi huri haere i te taone, ko ngā pahi kura hoki. Kei te iti haere te whakamahinga o ngā pahi, na tēnei he uaua e riro moni ai te Kaunihera i ēnei whakahaere.

I te tau 2018, he $137 miriona tāra i riro mai te Kaunihera i Te Pūtea Whakawhanake Rohe (PGF) ki te whakatikatika i ngā rori. Kua whakangaotia e te Land Transport Agency he $232 miriona tāra ki roto o te Tairāwhiti. Noreira ko tāna $369 miriona tāra e whakangaotia ana ki roto ki āhuatanga o ngā rori, ngā waka, me ngā kai-taraiwa.

 

Ngā pahikara

Kei te kaha ake te whakarite i ngā ara haere a ngā pahikara i Tūranga, heoi, kei kōna tonu he wāhi kia pai ake te uru atu ki ēnei āhuatanga, kia haumaru ai ngā kaieke pahikara, me ngā tāngata hikoi ki te tautoko ki te akiaki hoki i te whakamahinga o ēnei momo kawe o te tangata i te Tairāwhiti.

Mā te moana, mā ngā rangi, mā ngā ara tereina

Kua whakaritea e te Eastland Port he mahere e whakarahi ake te nui o te wāpu, kia wātea ai he tūnga mo ētahi atu waka, kei te piki ake te nama o ngā Kaipuke hari tūruhi, kei te nui ake te nama o ngā rakau e pupuritia ana i te wāpu e reri ana te tuku ki tāwāhi. Kei te kitea ngā wero i te nui o ngā waka e ū ana ki te wāpu, ko te take i pēra ai ko te wāhi kei reira e tū ana te wāpu, he kaupapa hei wānanga tonu. Ko ētahi e hiahia ana ki a whakatū he wāpu i te takiwā o Wharekahika/ Te Araroa – kei te wehewehe tonu ngā tāngata o tēra takiwā i runga i tēnei kaupapa, kāore ano kia whakatau mēna kua whakaaetia kāore rānei.

Kei te waihanga houtia te taunga waka rererangi, kia pai te manaaki i te tini o ngā tangata e haramai ana ki kōnei. Me whai whakaaro tātou ki te tipu o te taunga waka rererangi, me pehea hoki te arai I te taunga waka rererangi i ngā whakaritenga hanga whare. Kei te tipu te kaha o te hunga e hiahia ana ki whakaorahia te ara tereina mai i Tūranga ki Te Wairoa. Kua whiwhi pūtea mai i te Te Pūtea Whakawhanake Rohe ki te arotake i tēnei ara me ngā painga mo te rohe.

 

Ngā Patai Matua

  • Kei te mōhio tātou he wero nui te taraiwa haere o ngā taraka tari peka i waenganui i a tātou hapori tae rawaatu ki te wāpu. Me pehea te whakarite i ngā haerenga o ngā waka?

  • Ka ahei rānei tātou te papare i te nuinga o ngā taraka, kia kore tapoko ki roto i te taone, me ngā wāhi noho taiawhio i te taone?

    • He wāhi atu mo te wāpu?

    • Te whakamahi o ngā ara tereina?

    • He wāpu kei te tai-whakararo?

    • He huarahi kē pea mo nga waka taumaha?
  • Me whai whakaaro pea tātou ki te whakawhānui ake i ngā ara hikoi/pahikara i te rohe?
Tukuna mai ou korero
If your message is larger than 250 words click here
  • Loading

Attach files by dropping them in here. You can also browse your computer

Your browser does not support HTML5 uploads. Please update to a newer version.